सर्वच तरूण माणसांची आपल्या आईबापांबद्दल तक्रार आहे. आपला तोलही सांभाळता येत नसताना फूल तोडायला जाणे, पाण्यातली कामं करणे.. प्रचंड ट्रॅफिकमधे एकट्यानं प्रवास करणे.. नाही पाहवत. आपलं स्वावलंबन हरवत चाललेल्याची चेहर्यावर गडद होत जाणारी हताशा लपवण्यासाठीचे प्रयत्न जिवावरही बेतू शकतात आईसाहेब, थोडं आमचंही ऐका!
का काहो आईबाप ज्जर्रा फ्लेक्झिबल नसतात.. का का यांना कळत नाही की अमकं करू नकोस, हे सांगताना आपल्या मुलांनाही जड जातंय.. का का हे कळत नाही की आपले आईवडील झिजत असताना पाहवत नाही. त्यांचं पडणं झडणं आणि त्यापुढचे हाल मुलांना सहन होत नाहीत, म्हणून ती पोट तिडकीने तोंडाची मडकी वाजवत राहतात. पण ती फुटली तरी म्हातारी माणसं, तेच तेच सतत का का म्हणत राहतात की... बाबरे तूही म्हातारा झालास की माझ्यासारखा अस्साच पागल, हट्टी आणि तुझ्या मुलाचं काहीही न ऐकणारा होणारेस.
म्हातारी माणसं डोळ्यातून पाणी काढतात, मुलांचं ऐकावं लागतं म्हणून. त्यांच्यापुढे नमतं घ्यावं लागतं, असं वाटतं त्यांना. ठार चूक आहे हे. यांनी मुलांना वाढवताना किती खस्ता खाल्या हे यांना सतत आठवतं. पण त्या खस्ता खात असतान मिळेल त्यात समाधान मानणारी ही मुलंच त्यांच्या आनंदाचं, उभं राहण्याचं एकमात्र कारण होती.
मूल आईला जन्म देतं, असं म्हणतात. अशा मुलांनी काही सांगितलं तर ओरखडा आल्यासारखं वागायचं. NOT FAIR.
थोडंसं काम करून थकलेल्या वयस्कर आईवडिलांची जागी शरीरं आणि बंद डोळे पाहून पदरात असलेला सारा पैसा हरल्यासारखा वाटतो. हे आणू का, ते आणू का.. काही विचारलं तरी उत्तर ठरलेलं असतं.. " नाही ". साला आपण आपल्या पैशांनी घेतो काय काय त्याची नवलाईच वाटत नाही. पण लहान असताना आईबाप आणायचे ते बिनाफिटींगचे ढगळे फ्रॉक किंवा अपरेटिपरे शर्ट.. त्या नव्या कापडाचा वास, स्पर्श.. डोकं प्याक व्हायचं आनंदाने. आम्हांला पैसे खर्च करायचेत तुमच्यावर. सतत वर जायची भाषा कशाकर्ता... वर बुकिंग फूल्ल आहे!
mast Rekho....(Sanjeevani)
ReplyDeleteKamaal !!! ashya bhavana shabdankit karnyachi kala kami lokat aste !!! that makes u unique !
ReplyDeleteKhup Chan
ReplyDeleteअत्यंत ह्रदयस्पर्शी!
ReplyDeleteअत्यंत ह्रदयस्पर्शी!
ReplyDeleteअत्यंत ह्रदयस्पर्शी!
ReplyDeleteरडवलस! मला आई आहे आणि मीही आई आहे. दोन्ही कडून डोळे भरून आले.
ReplyDeleteMi apawaad ppahatey.
ReplyDelete